محببوب

جداں ٹرناں ایں ٹور شرابیاں ورگی تیرے ہوندن وال اٹھا اچ۔
ہر قدم تے انج پۓ لڑکاں مارن جیویں جھوٹے جھاڑ ہوا اچ۔
ھک لٹ معصوم جبین تے تڑپے جیویں ناگ آ ویندا اے بھاہ اچ۔
او کدی سوچیائی کتنے دل ولٹیندن تیری عاقب زلف سیاہ اچ

تیرے ہتھ نوں جدنڑ دا ہتھ لائیاے ، دوہری پیار دی چس ہو گئ اے
کَڑّی پِتل دی ودھ گئ اے سونے توں ، تیرے نال جوں مس ہو گئ اے
اسیں "عاقب" حُسن شناس ھاسے ، تاہیں جِند بے وَس ہو گئ اے
سوہنڑے بہوں بہوں ویکھِنڑ دُنیا تے ، تیتھے آنڑ کے بَس ہو گئ اے
 

شک پوندائے رب سائیں وکھریاں بہہ کے تے اکھیں تیریاں ڈھول بنڑائیاں
اس لمیاں گھاٹیاں پپلواں دتیاں تساں کجلے نال سجائیاں۔
تے تھر تھل مخلوق تے مچ ویندی تساں جدے جدے یار بھنوائیاں۔
تے شفقت انہاں سوھنڑیاں آکھیاں تو قربان کریسن شاھیاں۔

رب حسن دتا ای مغرور نا بنڑ __ اے چار دناں دا راج اے
چوتھے دیہنہ اس خلقت مدھ چھڈناں ای __ جہڑا سر تے فخر دا تاج اے
کسے سوھنے نوں اے ویکھ نآہ سگدے __ اس ملکھہ دا غلط رواج اے
بندہ بندے دے کم ""شبیر* آندا اے ___ چٹی چمڑی مٹی دا کھاج اے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایہ گستاخ نظراں نوں
ڈک کے رکھ توں نقاب چہرے توں لاہندے راہندن
جوانی وکهری نئیں تیتهے حسنی دیہاڑے ہر تے ایہ آندے راہندن
میدهر تک کے تے ہوش اچ رئیں تیری کملا مجال کی اے
میں جس نوں اکهیں دی مۓ پیوائی اے اوہ ساری زندگی ڈولاندے راہندن
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تیری جال اے شھر بخیلاں دے _ نہ ٹریا کر سج دھج کے
بالفرض جے ٹُرناں پئے ویندا اے __ وت ٹریا کر بت کج کے
تیرے جسم اطہر تے پوندیاں ھن _ ناپاک نگاہیں بھج بھج کے

میتھوں اے گلَ "یاور* نہئ پجدی _ تینوں کوئی ویکھے رج رج کے

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیکوں پیار کراں میں رج رج کے,کراں قائم مثال وفا دی..
کوئی قیمت "جانو" کیا ڈیسی, تیڈی ھک ھک یار ادا دی..
جتھے روز توں پیر رکھیندا ھیں بنڑ خاک ونجاں اس جا دی..
بھلا کیوں نہ میں تیڈے ناز اٹھاواں چنگا لگدیں قسم خدا دی.

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ونگاں جدنڑ وی رقص کریندیاں ویدھاں ست رنگیاں تیری بانھ اچ.
من بھاونڑی آ تبدیلی ویندی دل دے ماحول سماں اچ.
جداں زخم پورانڑے ڈکھ پوندن هک درد هو پوندا اے ھاں اچ..
کراں زکر تے آ آرام ویندا اے کیڈے لطف ھن تیرے ناں اچ..
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہتھ رکھ نہ ڈھاک کھلوتا کر میڈا قسم اے جگر کپی وینداۓ..

لگ بھا ویندی اے کپڑیاں نوں اگوں نقشہ غیر ڈسی وینداۓ..

تیرے سنگ اچ ویکھ کے غیراں نوں اے دل کملا گھبری وینداۓ..

کوئ ھور ھسڑ کے مر ونجے ھا - اے عابد ہئ جہڑا پی وینداۓ..
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تساں رس گۓ اوہ ساڈی غلطی اے. دسو توڑ مناون آواں
محسوس نہ کرو تاں قسم خدا دی.ہتھ پیر تے لاون آواں
دیو ڈھول اجازت زندگی دی .اک گل سمجھاون آواں،
جیڑی ھو گئ اے حالت اکھیاں دی .اے توڑ وکھاون آواں.

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ھئ پیار تاں عاقب صاف چادس میتھوں چن شرماون چھڈ دے

ایہہ ہس کے طاق دے اوھلے توں میرا دل تڑپاون چھڈ دے

ہک ھور وی منت غریب کریندا اے مینوں روز رواون چھڈ دے

ایہۂ نپ کے انگل رقیباں دی میرے خواب اچ آون چھڈ دے

....................................................................

فنکار عظیم دا فن پارہ ہر لائق نظر منظور آ ہی.👑

اکھ چیرویں ابرو تیر کماں آندا ڈٹھیاں وجد سرور آ ہی. 👑👑👑

ہر دل اچ طلب تجلی دی ہر موسی منگدا طور آ ہی..👑👑

ہا جنت دا عنف گماں ہوندا اوتھ جلوہ گر کوئی حور آ ہی

..........................................................

سوھنڑی رنگت جناب دی دل اچ کھب گئی ___ تیرے مکھ مہتاب توں صدقے کیڈی سوھنڑی لگدی اے چیرویں آکھ __ ونجڑاں یار نقاب توں صدقے. مجموعہ حسن دی نگری دا _ تیرے ہونٹ گلاب توں صدقے. میرے دل دی شاہی دا لاڈلہ یوسف _ ونجآں "عنف* جناب دے صدقے.

...................................................
ہک سوہنا اے دلبر کٹکاں دا _ اتوں مرضیاں نال بلیندائے*،*
جند کڈھ دا اے نازک ہونٹھاں تے _ جبھ لوڈ تو جدنڑ پھریندائے*،*،
شااللہ کہیں دی نظر ناہ لگ جاوی ایہوں *سالک* حول مریندائے*،*،
 اللہ ایہوں جہیاں سوہنیاں بندیاں نوں _ کداں نت تخلیق کریندائے*