جوابی شاعری

جوابی شاعری

ہکے بالکل سجنڑ بناونڑیں چھڈ دے ہکے اپنڑی نیت صفا کر...
 جیندے نال سواد دا جھٹ گزرے اوھدا ساری عمر حیاء کر...
متھے لگنڑ جاہ رکھ... لڑ پیاں وی... نا ساہنگیاں نوں رسوا کر...
 گلہ سجنڑ دا کرن تاں نیچ کریندن ہئیں راٹھ  این تاں درد دعا کر.....
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غ_غیراں نال پھرنا ایںتے

کجھ عادتاں تیریاں چنگیاں نئیں
دنے کسے نال راتیں کسے نال
اے سنگیا سنگتاں چنگیاں نئیں
دن اوکھڑے سوکھڑے لنگ جانے
سدا رینیاں یارا تنگیاں نئیں
سجناں توں بول تے بھانویں نہ بول
 اساں غلط دعاواں منگیاں نئیں,

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ساری زندگی لُٹ کے لگدیاں نوں ، میرا یار ۔۔ بنڑایا ای کُجھ نیہہ
تُساں ساجھ دی بھوئیں تے کُجھ ناہ گڈیا ، اِسے واسطے چایائی کُجھ نیہہ
تُہاڈی تھڈیوں ای نیّت مَلُوٹی ھا ، ہتھیں تائیں تاں آیا ای کُجھ نیہہ
خود مُلکھ دی نظراں چوں گِر گئے او ، میرا یار ونجایا ای کُجھ نیہہ
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اج او وقـت اے جینـدی عـزت کریـوے اوہـا جانـڑدا اے میتھـو ہریـااے
مینـوں جدنـڑدا حولیـاں توہیـں چـاہ کیتـااے وت دل الفـت تـوں ڈریـااے
تـوں قـدر کـی جانـڑیں لگـدیاں دی توہیـں کـے سانگـے تـے بھریـااے
(( یاسیـن )) تـوں پچـھ جینـدا سـاہ سـاہ تـے بـک بـک خـون دا سڑیـااے
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الله کٹی اے قید وچوریاں دی صبران دے پھل مل گے نی 
بنڑ گے نی منہ سمجوھتیاں دے قربت دی پل مل گے نی 
میتھوں درد وراگی  دکھ سکھ دے سو درجے ول مل گے نی 
میں تے غیر جو ہویا سٹیونڑا ہی آیا چلو اپنے رل مل گے نی 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
او تنگ هائی پاٹے هوئے چولے توں میں سیونڑا ناہ انوں چهوڑ دتائے
ادے ضد دے قاسم جهکهڑاں وچ گم تهیونڑاں ناہ انوں چهوڑ دتائے
  تےاو دیوہا جوٹهے جام دے وچ جدوں پیونڑاں ناه انوں چهوڑ دتائے
ادے ہته اچ میری زندگی هائی جدوں جیونڑاں ناہ انوں چهوڑ دتائے....
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اوداں کوئی ناهیا یاد غریبی ساڈی سونہہ پیار دی چاونڑ لگیاں
سانوں فرش توں چا کے عرش اوتے او بیمان اپڑاونڑ لگیاں
بندے ڈردے هن اوچیاں بختاں وچ ابرار ستاونڑ لگیاں
تینوں شرم نہ آسی ساهاں دے ای مونہہ تے رانی خان سداونڑ لگیاں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 
جداں سجن وسارن لگ پویۓ اداں ختم وقار ہو ویندن
وادھے کھاٹے ہوندن بندیاں دے بدنام پیار ہو ویندن
نیویاں سجناں نو چھوڑ کے پھردیاں ول بندے مشتاق تیار ہو ویندن
منہ وچوں چگیاں چوگاں بھل ویندین جداں پکھی اڈار ہو ویندن
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

" " " دوھڑہ " " "

دوٹوک جواب توں تاہیں پیا دینائیں تونہہ سنگت دی ویکھی چس نہیں
اتھے تخت ہزارہ چھوڑنا پوندااے انجیں غلط کہانیاں دس نہیں

ارمان موجود ہن پنجری وچ باقی میں انسان دے وس نہیں
ایہ تاں ہوندن سودے مرضیاں دے دل ثمر سگیندے کھس نہیں

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
   " " " دوھڑہ " " "
تیری سنگت سِکھایاے پِننڑ دا وَل ، نہیں تاں "عاقب" وسدے بھانڑ ہاسے
تیرے وقتی پیار چا ٹوٹے کیتاے جِہڑا اپنڑے آپ تے مانڑ ہاسے
سانوں پتہ وی کوئ ناہی ہجر کی ہونداے ، جداں توں تے میں انجانڑ ہاسے
توہیں جدنڑ دا لُٹیاے اِنج لگداے ، مُڈھوں جمے ای روونڑ کانڑ ہاسے                     
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
  " " " دوھڑہ " " "
ہتھ چھوڑ طبیبہ میں کوئ نہیں بچنڑاں ، انجیں کر نہیں زان دوائیاں
جیہندی آس تے ساہ ودے امدے ھَن ، اُس مرضاں آپ چا لائیاں
اوہو رونداے جس نوں دُکھ ہووے ، پئیاں "عاقب" جدنڑ جُدائیاں
میری میت تے زُلفاں کھول کے روسِن ، بے وسیاں تے تنہائیاں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

• ساہ اوُہے یار مکا ویندن جیہڑے ساہ توں ڈھیر قریب ہوندن.
  بندے دل اچ وس کے لُٹ لیندن بیگانے کَدنڑ رقیب ہوندن .
  جیہڑے سجن دی اکھ وچوں ڈھئے جاون دراصل اوہ لوگ غریب ہوندن.
  جیہڑے اکھ دے نال گُھلا چھڈدن اوہ عابد ہور طبیب ہوندن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
   ؛؛؛ﺩﻭﻫﮍﺍ؛؛؛
ﮐﺪﯼ ﮐﺪﯼ ﺗﺎﮞ ﺳﺎﺭﺍ ﺍﯼ ﻣﺌﯿﮟ ﺩﺍ ﻫﻮﻧﺎﺍﯾﮟ ﮨﺎﮞ ﺍﻧﺞ ﺩﺍ ﭨﻬﺎﺭ ﭼﻬﻮﮌﯾﻨﺎﺍﯾﮟ
ﻧﺎﮞ ﮈﺭ ﻧﺎﮞ ﺟﮭﺎﮐﺎ ﺗﺮﺍﺋﮯ ﺗﺮﺍﺋﮯ ﺩﯾﻨﻪ ﻣﺌﯿﺎﮞ ﻧﺎﻝ ﮔﺰﺍﺭ ﭼﮭﻮﮌﯾﻨﺎﺍﯾﮟ
ﻣﯿﮟ "ﺛﻤﺮ " ﻧﭽﻠﮑﺎ ﻫﻮ ﻭﯾﻨﺎﮞ ﭘﮑﺎ ﮐﺮ ﺍﻋﺘﺒﺎﺭ ﭼﮭﻮﮌﯾﻨﺎﺍﯾﮟ
ﺍﯾﻬﻪ ﻣﮍ ﮐﯿﻬﯽ ﺩﮬﺎﮌ ﻫﺌﯽ ﻟﮍ ﭘﻮﻧﺎﺋﯿﮟ ﺗﮭﺎﮞ ﮐﻤﻠﯿﺎ ﻣﺎﺭ ﭼﮭﻮﮌﯾﻨﺎﺍﯾﮟ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔    
                           "" دوھڑہ """
گل کیتی اے زندگی نالے چھڈیاۓ گھر تیری خاطر کیتا کی نہیں
بھانویں کھڈھیاں نال کہیندا وتیائیں کدی اجڑیاں کیتی سی نہیں
بندے پچھدن ثمر ہنڑ مکدا وینائیں ونجے تیری سنگت پنڑی نہیں
تیرا بھرم رکھینداۓ آکھ چھڑینداۓ مینوں تاپ اے صحت صحیح نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔    

اکھیں کدی نھیں بھلیاں سجنڑاں نوں بھانویں جیڈیاں دوریاں ھوونڑ
ھووے نئیت تاں لگدے مل پوندن پئیاں جو مجبوریاں ھوونڑ
نھیں پجدیاں ساقب مرضیاں اچ جیکوں ناں منظوریاں ھوونڑ
گھر باھر وی رۓ تے سجنڑ وی ھوونڑ کیویں دو دو پوریاں ھوونڑ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔     

تساں بندیاں درد دا مل نئیں گھتیا توھن کائ ناھی مول سیاپ اے.
غرضاں دی انگل وچ پا لئ نۓ دشمنڑ دے بخت دی چھاپ اے.
توھاڈی ھری ھوئ نیت دے فیصلے سنڑ کے میں تاں ھو ویساں چپ چاپ اے.

میرے نال بے تکیاں کیتاں دے ودے بھوگ بھگیسو آپ اے.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﺭﭨﮭﺎ ﺭﺍﮨﻨﺪﺍ ﺍﮮ ﻻ ﮐﮯ ﻧﺸﯿﺌﺎﮞ ﺗﮯ ﻣﯿﻨﻮﮞ ﺑﺎﻧﮩﮧ ﺗﮯ ﺳﻨﻮﻧﮍ ﺳﮑﮭﺎ ﮐﮯ
ﺑﮍﺍ ﺧﻮﺵ ﺍﮮ ﺍﺟﮑﻞ ﺯﯾﻮﺭ ﻏﻢ ﺩﮮ ﮨﺘﮭﺎﮞ ﺍﭘﻨﯿﺎﮞ ﻧﺎﻝ ﭘﻮﺍ ﮐﮯ
24 ﮔﮭﻨﭩﮯ ﻣﺘﮭﯿﻮﮞ ﻭﭦ ﻧﺴﮩﻮﮞ ﻻﮨﻨﺪﺍ ﺍﻭﮨﻮ ﻟﮕﮭﺪﺍ ﺍﮮ " ﺛﻤﺮ " ﻭﻻ ﮐﮯ
ﺟﯿﮩﻨﻮﮞ ﮨﺘﮭﺎﮞ ﺩﯼ ﭼﻮﮒ ﺗﮯ ﭘﺎﻟﯿﺎ ﮨﺎ ﺳﺖ ﺳﺎﻝ ﺗﮕﺎﺭﯾﺎﮞ ﭼﺎ ﮐﮯ
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 
تیرے کاغذاں وچ میں کملا سہی تیرے سجنڑ سیانڑے ھوسن
میں ویکھساں اوکھیاں بنڑیاں وچ تیرے مونڈھیاں نال کھلوسن
توں فکر نہ کر تیرے لگدیاں وچ تیرے بھرم نوں انج دا دھوسن
تیرے نین ابرار رسائی کیتے ودے خون دے اتھرو روسن
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تینوں دسیا نہ ساڈے کچے گھر ہن تیتھوں کدنڑ اوقات لکائی ہا 
تے ساتھے بالکل محض غریبی سی تینوں پہلوں گل سمجھائی ہا
 تے توئیں آپ ہن سنگت دے مڈھ جوڑے ناے بھج کے قسم وی چائی ہا 
اج غربت ویکھ کے کیوں پیا ہڈائیں بندہ بنڑ ہنڑ نال نبھائی ہا
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہڑے پائے نی تاج ویکھا تاں سہی ساڈی غربت نوں ٹھکرا کے
کہڑے یمن دے تخت دی شاہی ڈھئی ھئی باہیں غیر دے گل اچ پاکے
میرا امن دا عادی سنڑی بیٹھاں نت روندا ایں منہ جھڑکا کے

کدی حکم چلیندا ہاہیں کملیاں تے اج ساہ لیندا ایں سسکا کے.

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چنگی گھتی ہیئ عادت کملیاں نوں پاسے نال سرانہ ہوندا اے
کدی اس پاسے کدی اس پاسے کلا جدن نمانا ہوندا اے
سدا بخت عروج تے نئیں راہندے ایہناں ہک ڈیہنہ ڈھاہنا ہوندا اے
ہینیں نو ڈینہہ نویاں لگیاں دے چنگاں سجن پراناں ہوندا اے
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کائ چھڈی ہیئ کسر ذلیل کرن دی دلا توئیں کوئ میتھے لہنڑا اے
تیرے پاگل پن دے دوزخ وچ میں کیہہ تائیں سڑدیاں رہنڑا اے
تیری وجہ توں ویکھ لئے "درد"دا دل میرا سئے جیہا بھار ڈولانڑا اے
جدوں جی آیاں وی نمی اہدا مڑ اساں اوہدے شہر نوں ڈھاہنڑا اے


کپڈے چبهدے نے ....
ڑنگ آلله راسی دے ..
بڑے چون پے نبهدے نے
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تساں بخت دے زور تے بے رخیاں سدا یار کریندے رۓ او......
ساڈے پھول جزبات تے نازک کلیاں پیراں وچ لتڑیندے رۓ او.....
ایمان ساڈے تے کدی فرق نیں آیا جیڈا من آزمیندے رہے او....
افسوس *حیات* دے ساہ مک گئے تساں شغل بنڑیندے رہے او....

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تساں ہنڑ لجپالیاں سکھدے ودے او توھاتے بخت جدوکے آۓ نے

تساں کے جانڑو معیار سنگت دے تساں کداں کوئ سجنڑ بنڑاۓ نے

تساں لوکاں واسطے قول بزرگاں نے کجھ کجھ سچ فرماۓ نے
دھپاں چڑھن حیات کجھور دے بوٹے بھلا کدن کریندے ساۓ نے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

  تیری وقتی سنگت دے آسرے تے
چاملکھ دے بھارے گئے آں
تینوں نفیاں نال راجائی رکھیا
جھلی آپ کسارے گئےآں
ہاسےکملے ریت دے ایریاں تے
گھتی درد چبارے گئے آں
ہائیں کچ تے سمجھی ہیرا رکھیا
اسی بھل وچ مارے گئےآں.......... 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ساتھوں چنگےجو ڈھولا مل گئےنی انہاں چنگیاں نال نبھالۓ.......
چلواساں کمزور تےغریب سہی انہاں راٹھاں نوں آزمالۓ.......
تیری یاداں گل نال لائی رکھساں باہیں غیر دےگل وچ پالۓ.....
میں اپنے درد نبھالیساں توں اپنے شوق مٹالۓ......;
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ساڈے خلق دی قدر جناب نہیں کیتی اسیں سچ تے کوڑ دی ونڈ هاسے
وچوں پهلاں توں وی ڈهیر ملوک ها جندڑی اتوں دسدے کیکر تے جنڈ هاسے
بهانویں غربت ہا تانویں سجنڑ دے روپ اچ کجی ودے سرکار دی کنڈ هاسے
موہرا قاسم ملکه دے کانڑ اوسائیں تیری ذات دے کانڑ تاں کهنڈ هاسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 
مین پھل پئے لگدن ظلم تیرے بھیڑا ھور وسا ارمان نہ رھی,
ھنڑیں تھک نئیں اجے میں سہ سگداں ھالی آندن ساہ ارمان نہ رھی,
متاں جانڑیں حوصلہ ھار گیاۓ لے رج ازما ارمان نہ رھی,
ھے جیندیاں اختر سر نیواں ودا پٹھیاں واہ ارمان نہ رھی.
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تینوں میں بندے ترلیاں ہاڑیاں دی کر سجنڑں اخیر نئیں چھڈی
پر تساں وی میرے مانڑ دی پگ وچوں رکھ کے چیر نئیں چھڈی
مڑ اساں اج تیری سنگت توں رج کے چلو من تقدیر نئیں چھڈی
تیرے صاف انکار توں تانگھ تیری کر ختم منیر نئیں چھڈی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
توں سمجھیا نیں تیتھے درد ؔدا سانگ اللہ پاک دا خاص انعام ها
میتھوں پہلے کملیا سوچ تاں سہی تیرا لیندا کون سلام ها
تن پھٹ توں یاد اوکات ناں رهی تیری سوچ دا غلط نظام ها
هنڑ ٹھہو لبھ پوسی فکر ناں کر جہڑا تیرا اصل مقام ها
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ھووے نازک ڈور تاں گڈیاں دے پیچے سوچ کے لاونڑیں پوندن
سنگتاں دی خاطر سجڑاں دے نفعے گھاٹے چاونڑیں پوندن
وت ہر کوئی بول مریندا ھے چپ کرکے ساہنونڑیں پوندن
سجڑاں دے عیب شریکاں تھوں "ابرار"لکاونڑیں پوندن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
  میری سک دے موتی پرکھ نہ سگیوں ناہی ذھن صراف تہاڈا
میں تاں نبھی دے شرم توں کر چھڈیائے ہر وادھا معاف تہاڈا
آئی جدنڑ دی غربت عاقب تے رہیا دل نہ صاف تہاڈا
سارے جرم چا مہیاںدے نال لائے واہ واہ انصاف تہاڈا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﺗﯿﻨﻮﮞ ﺟﮓ ﻣﺸﮩﻮﺭ ﺍﺳﺎﮨﺎﮞ ﮐﯿﺘﺎﺍﮮ ﺗﯿﺮﮮ ﻧﺎﮞ ﺩﯼ ﺛﻤﺮ ﺳﻨﺠﺎﭖ ﮨﺎﺋﯿﮟ ¤

ﮐﺪﮬﺎﮞ ﻧﺎﻝ ﺷﺮﯾﮏ ﮐﮭﻠﻮﺗﮯ ﮨﻮﻧﺪﻥ ﻣﺠﺒﻮﺭﯾﺎﮞ ﺗﻮﮞ ﭼﭗ ﭼﺎﭖ ﮨﺎﺋﯿﮟ ¤

ﮨﻨﺠﻮﮞ ﻟﮍﮬﻦ ﺗﺎﮞ ﺑﻨﮍ ﺩﺭﯾﺎ ﻭﯾﻨﺪﻥ ﺳﻨﮍﯾﮟ ﺗﮭﮕﮍﯾﺎﮞ ﻭﯾﻨﺪﮮ ﻧﺎﭖ ﮨﺎﺋﯿﮟ ¤
ﺗﯿﻨﻮﮞ ﺩﻝ ﺁﮰ ﺭﺍﺝ ﮐﺮﺍﺋﯿﻨﺪﮮ ﻭﺗﮯ ﮨﺎﺋﯿﮟ ﺍﺳﯿﮟ اصل اچ ﮐﻤﻠﮯ ﺍﯼ ﺁﭖ ﮨﺎﺋﯿﮟ ¤
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ھر ویلے دل دے شیشے نوںمیرا ڈھول کنگھال کے رکھی
پتا کوئی نیں جگ دیاں ریتاں داسداں اپنڑی بال کےرکھی
بھانویں ھر کوئی چھوڑ حیات ونجے لج پیار دی پال کے رکھی
تے ھر مشکل ویلے کم آندن چنگے سجنڑ سنبھال کے رکھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تینوں لدھا ھا لعل اروڑی توں تیتھوں یار سیاپ وی ھوئ نئیں,
رہیوں وقت نبھیندا غرضاں دے میری قدر دا خیال کیتوئ نئیں,
چنگے سجنڑ بازار اچ کونڑ وچیندائ بے قدریا ککھ سچیوئ نئیں,
ھنڑ درد جہان چھنڑیندیا وت تین میرے جیا لبھڑاں کوئ نئیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہتھی ماری ہیی پیر تے کوہاڑی ہنڑ جھک نہیں عمر ونجائی تے
انہاں نال ہمیشہ ایہو کجھ ہوندا اے جیہڑے جیندن آس پرائی تے
جداں لگدے اجنڑ بھی نہوں راضی تیری نوکراں وانگ نبھائی تے
اگاں ڈٹ ونج درد توں اسے گل تے میرا کوئی نہیں سجنڑ خدائی تے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 
کسے بشر نوں کوئی کمزور سمجھ کے متاں زور حیات ازما ۓ چا ¤
او جو بے پرواہ اے ھو سگدا چڑیاں توں باز مراۓ چا ¤
تنگ آکے آخر آپڑیاں توں سر جدنڑ فیاض اٹھا ۓ چا ¤
وت ھو نئیں سگدا اس سر نوں کوئی مائی دا لال جھکاۓ چا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چٹے وال وی آ گئے پر توں نہ آیوں تینوں بھل گئے عہد وفا دے
ہتھ سنگت دا نپ کے مڑ قابو رکھنڑاں ایے قول ہوندن شرفاء دے
سانگا رکھ کے سانگے پال سدیون ساڈے ظرف ہن تھڈیوں لا دے
اس موڑ تے چھڈیا اہی نور سمند نوں پلے رهے نیںبھرم انا دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بندا اپنے شجر تے ناز کرے، رکھے آس نہ مانگوی چھاں تے.
اس دور دے وچ بنا مطلب توں، کیڑا باھندا اے کیں دیاں راھاں تے.
روندا چھوڑ کے ڈھولا ٹر ویسن، جہڑے کھیڈدے ھن اج ھاں تے.
ھن وکھرا سون دا عادی بن، نت کون سوینداای بانھ تے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جداں بخت دے غرضو بیلیاں نوں بھائیوال اچیرے لبھ گے
اناں "درد" غریب نوں کے کرنا اے جہنوں وسدے ڈیرے لبھ گے
سجنڑاں دی سوچ دے سکدے کاں نوں خوشحال بنیرے لبھ گے
مینوں رش غربت دے رلنڑ نا دتا انہانوں ہور اگیرے لبھ گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شُہرت دے 7آسمان وکھائے نی جہناں بندیاں نوں چا چا کے،
اُہوے اج مخلوق توں داداں لیندین تیرے نال مقابلے لا کے،
کر کر پَرچار بے قدریاں دا رہیوں قدر آخیر ونجا کے،
ہُنڑ۔در د ۔ڈھوڈینا ایں لُکنڑ دی جا دشمن نو ڈانگ نپا کے،
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہنوں عاقب شاہی خیرات اچ ڈھئ ہائی بنڑ بیٹھاۓ حاکم جگ دا.
زری بخت دے جھولے کر چھڈیاۓ انہوں سائیں سنگتاں دے وگ دا.
اتھے اصل تے نقل دی پرکھ جو کائی نہی ربوں پئے گیا ہتھ اس ٹھگ دا.
اوہ ستھاں بھنداۓ اجکل ملکھ دیاں طرا کڈھ کے منگی ھوئی پگ دا.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔  
    لجپال توں تن من دھن صدقے کیہا رکھنڑاں سر سرفا اے.
جند دتیاں ای نسلی سجنڑاں دے نہی ہوندے قرض ادا اے.
اللہ پاک بچاۓ بدنسلیاں توں کے جانڑن نیچ وفا اے.
ونجے مطلب نکل تاں بھل ویندن نبھے وقت دے درد حیا اے.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 
ایہہ ناں تے بخت وراثت کائ نہیں ، کر مانڑ نہ گھنڑیاں بانہیں دا
گُڈے عرش تے چڑے ھوے جھپ کھا ویندن ، ودھے جیویں جیویں زور ہوائیں دا
بیلی ھو کے "عاقب" ہار دِوائ ھئ ، توں تاں ہاؤں شوقین جفائیں دا
چنگا پکھی وی سامنبھ کے پِڑ نوں گھتیے ، اوہ وی ناں کڈھ وینداے سائیں دا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
  پکھی واس ھونڑ دے طنز نہ دے _ نہ سنگت نوں سمجھ حقیر اے
سردار زیارت کانڑں آیاں __ منگی کوئی نہیں زر جاگیر اے
ھوندا بخت تے تخت تاں عارضی ھے _ ویکھے ویندن اصل ضمیر اے
توں جانڑں تے تیرا بخت منور___چھوڑی وینداں ای دربار فقیر اے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 
میتھے ٹھیک اے ڈنگ ہن غربت دے تیتھے یار دیہاڑے ول سئ۔

میرا کوئی نئیں لگدا اس دنیا تے تیری وطن وسیب اچ گل سئ۔
میری ہرحسرت ناکام ہوئی تیرے من دے مقصد حل سئ۔
توں وی وانگ ابرار دے نکھڑ کے روسیں چلو اج نہیں بیلیا کل سئ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

مطلب تائیں ھر کوئی سانگے رکھدا اے ساری زندگی تگدا کوئی نہیں
مجبوریاں دے طوفان دے وچ ڈیوا پیار دا جگدا کوئی نہیں
اللہ پاک توں وکھرے کہیں دے بھارے چا بالکل سگدا کوئی نہیں
کوڑے مانڑ هن "درد" بلیاں دے اج کہیں دا لگدا کوئی نهیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ھووے پگ دا پیار تاں بیر دی چھاں تے مڈھوں باھنڑ دا فائدہ ای کوئ نئیں
جتھے سونے پیتل دا ہک بھا ہووے اتھے راہنڑ دا فائدہ ای کوئ نئیں
جیہڑا ہووے درد مفاد دا لگدا اوہدھے چاھنڑ دا فائدہ ای کوئ نئیں

رسے سجنڑ بے فیض تاں شکر کریوے پیریں ڈھانڑ دا فائدہ ای کوئ نئیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

جناں کدیں نہ بائیں توں سرچایااوہ سجنڑ پریڑے ھوگئے
گل پکی پکی سنڑکے روسیاں دی سنجے دل دے ویہڑے ھوگئے
تینوں کے دساں کنویں پئی نبھدی اےمیرے نال بکھیڑے ھو گئے
کدیں  تیری اکھ دے نوربلوچ  ھاسے اج کونڑ تے کہڑے ھوگئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کتھے وسدے او چن اجڑیا دے امن سکون ونجا کے
اپنڑی ہستی انجے چمکائ پھردے او غریب دے حال ونجا کے
او خوشی تہاڈے کیہڑے کم دی کر حاصل لئ نیں تڑپا کے
جھگے وسدے نیئں محمود کدی کسے دے گھر اگ لا کے
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دوھڑہ
تیتھوں نکھڑ کے وی ڈنگ نِبھ نہیں گۓ ، کہڑی آگئ اے یار قیامت۔
اساں رج لیا اے جہڑا رجنڑاں ہاہ ، اوسیں ہُنڑ کہیں ہور دی شامت۔
شروع لا "طافو" بربادیاں دی ، ، ، ، ، ، اساں لئ ہائ ویکھ علامت۔
تئیں جۓ ٹھگباز ہمراز ہوون ، ، ،، ، ، ، ، کِدے راہندن تخت سلامت۔
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دوے ملکھ تے منکھ مناسب نہیں ،، جداں ڈھولا ای دھوکے باز اے ۔۔
سنگتاں دی لال انہیری دا ،، ہر جھولا ای دھوکے باز اے ۔۔
ہائ سٹی ہوئ جس دیاں نیتاں تے ،، اوہ بھولا ائ دھوکے باز اے ۔۔
 ہکو اوہ نہیں ''عاقب'' سونہہ رب دی ،، سارا ٹولا ای دھوکے باز اے ۔۔ 
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لٹی گئی اے میری شوخ جوانی تیری زلف دراز دے ہتھوں
جویں جھٹ اچ ثمر مری جاوے کوئ فاختہ باز دے ہتھوں
تیرا لگھدیاں ٹپدیاں خط پڑھیا اے تیرے کہیں ہمراز دے ہتھوں
لگا ودا اے شوق لٹیون دا مڑ تونہہ ٹھگباز دے ہتھوں                        
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔    
مینوں لٹ کے توں کیہڑا شاہ بنڑائیں ، کیہڑے ترکے درد بنڑاۓ نی ،،
شوقین پرائیاں نفعیاں دا ، ہتھوں اپنڑیں ای مول کھڑاۓ نی ،،
لالچ دے گہنڑیں لہہ نہوں گئے ، نہ پاۓ نی نہ لٹکا ۓ نی ،،
ہُنڑ اپنڑی نیٗت دا ماتم کر ، چنگے اپنڑے سامنڑے آۓ نی ،،
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ﮐﮭﭩﯽ ﺳﺎﺭﯼ ﺍﭘﻨﯽ ﺯﻧﺪﮔﯽ ﺩﯼ
ﺗﯿﺮﯼ ﺳﻨﮕﺖ ﺗﮯ ﻻ ﻧﮩﯿﮟ ﭼﮭﻮﮌﯼ
ﮨﮏ ﺗﻮﺋﯿﮟ ﺑﮭﺎﺋﯿﻮﺍﻝ ﻧﻮﮞ ﺧﻮﺵ ﺭﮐﮭﯿﺎﺋﮯ
ﮐﺎﺋﻨﺎﺕ ﺭﻭﺳﺎ ﻧﮩﯿﮟ ﭼﮭﻮﮌﯼ
ﺍﺳﺎﮞ ﺍﭘﻨﮍﮮ ﺧﻮﻥ ﮨﻼﻟﯽ ﺩﯼ
ﺗﺎﺛﯿﺮ ﻭﮐﮭﺎ ﻧﮩﯿﮟ ﭼﮭﻮﮌﯼ
ﺑﮭﺎﻭﯾﮟ ﺟﺘﻨﮍﮮ ﺍﯼ ﺩﺭﺩ ﺫﻟﯿﻞ ﮨﻮﮰ ﮨﺎﺋﯿﮟ
ﺗﯿﺮﮮ ﻧﺎﻝ ﻧﺒﮭﺎ ﻧﮩﯿﮟ ﭼﮭﻮﮌﯼ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اللہ چنگیاں سنگتاں ھر نوں دیوے شالا سجنڑ حلالی ھوون،
جیہڑے سجنڑ دے دکھ نوں دکھ سمجھن ھر اوکھ دے والی ھوون،

موڈھا موڈھے نال رلائی ودے راھون بھانویں مست موالی ھوون،
لجپالی کردیاں ساہ مکنے ہتھوں بے شک خالی ھوون,

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھل ونج جے (عنف) توں بھل سگدا ایں کٹھا وقت نبھایا ہویا.
لگا ٹریاں تینوں یاد آسی ساڈا ڈھاک تے چایا ہویا.
تیرے پیچ دی سادھروں گجھ کائی نئیں ساڈا نت ازمایا ھویا.
تینوں نکھڑ کے آپے نظر آ ویسی تیرا جتنا وایا ہویا.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میری ذرا جئی گل تے غور کریں گل سنڑ لئیں یار مثالی
.. . کدی بھرے ہوئے برتن نئیں کھڑکے پوندن کھڑک ہمیشہ خالی.
. اناں درختاں نوں لوگ بال چھوڑیندن مر ونجن جناں دے مالی.
ہک چونڈی نمک دی نئیں بھلدے جہیڑے ہو ون نمک حلالی. . .
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بندے اکھڑ کھلوندن پیراں توں جدوں بخت دا رج آویندا اے
میں وی کیئ شئے مغروریاں دا ہک ذہن اچ وج آویندا اے
تے دھکا جدن حیات زوال مریندا اے ہر کم اچ بج آ ویندا اے
منہ تے لگے چاٹ جدوں بندیاں نوں اگاں وسن دا چج آویندا اے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لگے جدنڑ وی روڑا غرضاں داسک سنگت دے تیلے ویندن؟.
بد نسلے سجنڑ تاں سپ توں ودھ کےڈنگ مار زہریلے ویندن؟.
جس موڑ تے "حسرت" کم ظرفاں دےتھی ختم وسیلے ویندن؟.
اوتھے اپڑ کے نسلی کنڈ کج لیندن جتھے چھوڑ قبیلے ویندن؟.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساڈا شیوا اے سنگت تے سر دیونڑ حاضر قربانیاں کانڑ آں.......
سانو علم اے لج دیاں لاجاں دا بھلا اتنے کائ انجانڑ آں........
سکھ دیونڑ واسطے سجنڑاں نوں دینہ رات مریندے پرانڑ آں........
منہ دسنڑ نا دسنڑ پیارے آں دے لیندے کنڈ وی "درد" سنجانڑ آں..
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نسلی انسان تاں نسلاں تائیں سنگ دی پہچان کریندن
جتھے ترکے سجنڑ دے کم آون اتھے حاضر جان کریندن
خود غرض ہمیشہ غرضاں توں لگدے قربان کریندن
چنگے نبھے ھوے وقت دا درد حیا کداں نیچ انسان کریندن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کدی کھرا بدل وی وس پوندئے کدی گجدے وسدے کوئ نیں. 
 ربو پیار دا جال تنئ ویندائے بندےجانڑں کے پھسدے کوئ نیں.
جہیڑے صرف مفاد پرست ھون گل اندر دی دسدئے کوئ نیں.
چنگے سجنڑں حسن مری ویندن پر چھڈ کے نسدے کوئ نیں
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چنگی جنس دا جگ دی منڈیاں وچ گھٹ نرخ تے دام نہ ھووے

 ھوندا بد کولوں بدنام برا شالا کوئی بدنام نہ ھووے
سنگی او رکھیے جہیڑا ہک دا ھووے صبح وشام نیلام نہ ھووے
لکھاّں عیب (حیات) انسان اچ ھوندن بندہ نمک حرام نہ ھووے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

  " " " دوھڑہ " " "
تھک پۓ ہائیں کدن توں کر کر کے تیرے حکماں دی تعمیل اے
ہتھ چا لۓ لا پرواہیاں توں جھلے ثمر دا سجن شکیل اے
بھانویں سر توں تار ہائ جھاگدا وتیاں تیری اودر پاک دی جھیل اے
میری جھگی توں اپنا تاج محل کدی گنڑیائ کتے میل اے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گل سُنڑ کے گل دی وَنڈ کَریئے گَلاں وَال ھُوویندا تَاں اے
رُل مَریئے سَجنڑ دے رَاھواں تے لَجپال ھوویندا تاں اے
وَگ چھیڑ لیاویئے سَنگتاں دے ماَہی وَال بَنڑیندا تَاں اے
ھووے جِگر حَیات جے مَجھ جِتنڑاں کِسے نال ٹُریندا تَاں اے۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تیتھوں وکھریاں میں کہڑے کم دا ہاں کہڑے پیچ تے ویتھوں گھتاں۔۔۔۔۔
کوٹھے درد کھلوندن اریاں تے لکھہ پیڈیاں ہوون چھتاں۔۔۔۔

پرواہ نہی بے شک لتڑینداں وت اکھیاں تے دے پیا لتاں۔۔۔۔
میں پاگل آں تیرے نال ونجا کے ساری زندگی رونداں وتاں۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میری ذات دا وادھا زندگی بھر تُساں ثابت کر نہے سگے . . 
دے اج تائیں مفت دی نوکری دا مشتاق اجر نہے سگے . . 
 آئی اوکھ دی کانگ تے سانگیاں دی لنمب صرف قبر نہے سگے . . 
 او اکھیں شرم توں نیویاں لئی وتو ھا چلو بُڈ کے مر نہے سگے
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تینوں شروع تو عادت آئی روسیاں دی.اساں صرف مناونڑ سکهیائے. سارا تن من ترکا ذندگئ دا سنگتاں تے لاونڑ سکهیائے.
ہر پل آذمائش دی چڑهی ہوئی جنج تے سر وہیل ہکاوانڑ سکهیائے..
بس توں تے پیار دا ناں ای سنڑیائے اے.اساں درد نبهاونڑ سکهیائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

 اساں خود استاد ہائیں تے سانوں پڑھن سکھینائیں تیرے جتنڑاں ٹھیک اے زر نہیں.
بھاویں سجنڑ چالاکیاں لکھ کریئے کدیں کوڑ دے بجھدے تھر نہیں.
ویکھی بیٹھاں توڑ نبھاونڑ آلے تیرے جذبے طاقت ور نہیں.
سانوں جگ استاد سدینداۓ ساڈے نال استادیاں کر نہیں.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کدیں کیتا اے لیکھا ثابت کر تیری ساجھ اچ جو نقصان ہویا اے....

پر ویکھ کے اج تینوں غیراں وچ بندے موئے جتنا ارمان ہویا اے....

بندے عنف صلاحو سچ آدھے ہن بوٹا کھجی دا کدنڑ سائبان ہویا اے...

نہ جشن منا میرے اجڑن دے دوواں گھراں دا ہکو جیا ذان ہویا اے....

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

واہ بیلی دل دے کاغذاں چو جیندا کٹیا ای ناں اوہدا کے بنڑسی.

جینو پتن جگاہے نی ادھ راتی جینو مارای تها اوہدا کے بنڑسی.

ایڈا بے انصاف سجنڑ نہ بنڑ کچھ سوچ اوہدا اگاں کے بنڑسی.

تو تا انگل دی پیڑ جنڑاہی بیٹها ہے جیندی کپی ہہی باہ اوندا کے بنڑسی.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساری سک لہہ گئ اے سانگیاں دی ہکا گھاٹ جناب دی جھل کے

چلو سمجھ تاں آگئ جیونڑ دی تیری سنگت دی ہاٹھ اچ رل کے

ہنڑ اگلے سجنڑ سنبھال کے رکھیں متاں یاد پئ آوی ول کے

پچھاں کوئی نوں ہٹدے دیگر نوں کدی درد پچھاویں ڈھل کے..

ضد سٹ گھت ضداں کوئ چنگیاں نہیں_ضداں کیتیاں راھندے سنگ نہیں

سنگدل نفرت دی سولی تے _ اکا ساہ ذلفی دے ٹنگ نہیں

اے تا ں وس ھئ خالق دے _ تیتھے ملکھ توں وکھرے ڈنگ نہیں

نرا انج وڈیائی اچ پیر ناں گھت _ سدا راھندے بخت تے رنگ نہیں

ضداں کر کے لزتاں چکھ ناہنے لئیاں سمجھیندے ای ناھے سمجھایاں
 سارے الف تو یے تائیں دس گے او لڑ منہہ تو سجنڑ ہٹائیاں

تے بندہ قطعن "حیات" لکا نہیں سگدا اگ بکل اچ یار لکایاں

او جداں ملکھ دی نظراں چوں گر ونجئیے کے بنڑدا اے طاق ولایاں

تیری ترچھی نظر دا سحر ترٹ گیا اے اپنڑا فن ہنڑ وکھاویں کسے ہور نوں

جیتھوں دل آکھی ونجلی تے نغمے سنڑیں چوریاں وی کھواویں کسے ہور نوں

مینوں علم ہو گیا اے روپ دھاری ایں توں تیری اکھیاں چوں غرضاں دا سپ دس گیا اے

وقت ضائع نہ کر میرا راہ چھوڑ دے ونج کے پاگل بنڑاویں کسے ہور نوں...

سچ سچ ھوندائے سدا سچ کریے _کوڑ آخر یار  لدھی ویندائے

جیہڑا حق توں کر انکار ونجیں _اوہدا ناں ابلیس رکھی ویندائے

میتھوں ودھ کے ونج جیہڑا سانگا کیتائ_ بس کل تائیں پیچ ویکھی ویندائے

دل سوز بلارے کوئ نئیں سہندا_ یاسین ہیئ جیہڑا پی ویندائے

ضداں کیتیئاں دل بدظن هو ویندین باہلہ ضد نوں طول دیوآں نہیں
بے سود اناء دی آگ دے وچ انجے ساری عمر سڑاں نہیں
ساڈے باہروں کئیں سمجھوتے کرنین اسیئں آپ جے درد سوچاں نہیں
پدهہ وہدیاں وہدیاں هک دوئے دا انجے قبراں  یار پهوڑاں نہیں